Son.az APA-ya istinadən bildirir ki, hadisə rayonun Təzə Alvadı kəndində qeydə alınıb.

Həmin kənd sakini, 1980-ci il təvəllüdlü Elnarə Ərəstun qızı Muxtarova bədəninin çoxsaylı kəsilmiş-deşilmiş yarası ilə Masallı Rayon Mərkəzi Xəstəxanasına yerləşdirilib. Onun üzərində dərhal cərrahiyyə əməliyyatı aparılıb. Vəziyyəti isə keçirdiyi əməliyyata uyğun olaraq orta-ağır qiymətləndirilir.

Məlumata görə, E. Muxtarova əsəb xəstəliyindən əziyyət çəkir. O, bir müddətdir ki, xəstəliyi ilə əlaqədar dərman qəbul edirmiş. Lakin sonradan həmin dərmanları qəbul etməkdən imtina edib. Hadisəni də əsəbi halda törətdiyini bildirib. Hazırda E. Muxtarovanın müalicəsi xəstəxananın reanimasiya şöbəsində davam etdirilir.

Faktla bağlı araşdırma aparılır.