Şəhriyar Məmmədyarov: "Gözləmədiyim dəstəyi hiss etdim" - MÜSAHİBƏ


İdman 17 Apr 2018 10:47:00 56 0

Şəhriyar Məmmədyarov: "Gözləmədiyim dəstəyi hiss etdim" - MÜSAHİBƏ

Azərbaycan şahmatçısı Şəhriyar Məmmədyarov “ShamkirChess 2018” superturnirinin rəsmi saytının suallarını cavablandırıb.

Bu xəbəri də oxu: PFL bir oyunun vaxtını dəyişdi

Goal.az həmin müsahibəni təqdim edir:

 

- Söhbətə Berlində keçirilən İddiaçılar Turnirindən başlamaq istərdik. Yaxşı başlanğıc olsa da, sonluq alınmadı...

- İddiaçılar Turnirində ilk dəfə favorit qismində göstərilirdim. Ən azı yarışın reytinq favoriti olduğumdan qalib gəlməyə namizədlərdən biri idim. Ona görə çoxları Berlində yarışı birinci pillədə başa vuracağımı gözləyirdi. Şahmat həvəskarları mənə inanırdı. Turnirin gedişatı göstərdi ki, qalib gəlmək imkanlarımız var. Güclü heyət olduğundan proqnoz vermək çətin idi. Yarışdan əvvəl demişdim ki, favorit şahmatçı sonuncu ola bilər, ya da əksinə. Çünki hər tur önəmli idi. Turnir mənim üçün yaxşı başladı. İlk turda Karyakinə qalib gəldim. Ardınca da yaxşı oyunlarımız oldu. Sadəcə etiraf etmək lazımdır – Karuana inanılmaz qədər yaxşı mübarizə sərgilədi. Qara rənglərlə qələbələri çox oldu. Belə yarışda məhz qara rənglərlə üstünlük vacibdir. Yarışın qalibi olmaq üçün ən önəmli oyun Dinq Lirenə qarşı oldu. İnanılmaz risk etdim. Ardıcıl bir neçə tur qələbə qazanmadım. O anda başa düşürdüm ki, qələbə lazımdır. Lirenlə partiyada əsası olmadan riskə getdim. Heç-heçə də turnir cədvəlində lider olacaqdım. Sadəcə qələbə qazanmaq istəyirdim. Çünki qələbəylə izləyicilərimi yarım xal qabaqlayacaqdım. Uduzmaq barədə düşünmədim və risk etdim. Bu oyun çox ağır zərbə oldu. Sonradan Qrişuka qalib gəlməklə vəziyyətim nisbətən düzəldi. Sadəcə Dinqlə oyun karyeramda ən ağır məğlubiyyətlərdən biri kimi qaldı. Udsaydım bəlkə də İddiaçılar Turnirində qələbə qazanacaqdım.

- Sənin üçün İddiaçılar Turnirində sürpriz nə oldu?

- Yaxşı və pis cəhətdən sürpriz oldu. Aronyanla So gözləniləndən aşağı oyun nümayiş etdirdi. Çox güclü şahmatçılardır. Sadəcə Berlində özlərinə oxşamadılar. Son turlarda hər ikisinin həvəsdən düşdüyü hiss olunur. Karyakin də isə əksinə dönüş yaratdı. İki məğlubiyyətdən sonra Sergeyin şansının olmadığını düşünürdülər. Amma Karyakin ardıcıl 4 qələbədən sonra liderliyə yüksəlməyi bacardı. Sergey çox böyük xarakter göstərdi. Fikrimcə son illərin ən maraqlı İddiaçılar Turniri oldu. Son tur ərəfəsində 4 şahmatçı qələbə şansını saxlayırdı.

- Ermənistan şahmatçısı Levon Aronyan çox zəif təsir bağışladı. Karuanayla hər iki görüşdə də məğlubiyyət acısı yaşadı.

- Karuana Aronyanla hər iki oyunda qələbə qazandı. Mən və Karyakin iki görüşü heç-heçə başa vurduq. Yəni, Fabiano 2 xal, biz isə 1 xal qazandıq. Karuana üçün böyük üstünlük idi. Belə turnirlərdə bir rəqibdən 2 xal qazanmaq böyük şans yaradır. İkinci dövrədə Karuanayla partiyada Aronyanın yaxşı gedişləri var idi. Hətta Karuananın heç-heçə şansları qalmırdı. Müdafiə olunmaq çətin görünürdü. Amma Aronyan bu gedişi görmədi və uduzdu. Kramniklə oyunda da çox zəif təsir bağışladı. Çox güclü şahmatçıdır, ona belə oyunlarda uduzmağı zəif formada olduğunu göstərir. Mənim oyunum onunla alınmadı. Hər iki rənglə istənilən üstünlüyü qazanmadım.

- İddiaçılar Turnirində qələbə qazanmaq üçün Şəhriyara nə çatmadı. Bəlkə bəxtin gətirmədi...

- Əgər belə mötəbər yarışda çempionluğun taleyi bir oyundan asılıdırsa deməli turnir alınıb. Dinqə qalib gəlsəydim daha yaxşı olacaqdı. Sona qədər mübarizə apardım, İddiaçılar Turnirində reytinqimi artırdım. Amma bəxt sözüylə razı deyiləm. Bu gün Karuananın birinci pilləyə layiq olmasını qeyd etməliyik. Çox yaxşı formada idi. Karyakinə uduzsa da, oyununu itirmədi. Aronyanla Qrişuka qalib gəldi. Maraqlıdır ki, yanvarda Veyk-An-Zee superturnirində iştirak etmişik. Karuana orada pis oynadı. Bəziləri belə zəif çıxışının davam edəcəyini söyləyirdi. Görünür Veyk-An-Zee də artıq İddiaçılar Turnirini düşünürdü. Əsl gücünü Berlində göstərdi.

- Hazırlıqdan razı qaldınmı?

- İddiaçılar Turnirinə iştirakımız çox gec təsdiqlənir. Noyabrın sonuna yaxın bu yarışda olacağımız məlum olundu. Cəmi 3 ay vaxtımız oldu. Amma il ərzində turnirlərə razılıq veririk, bu amil hazırlığa təsirsiz ötüşmür. Berlindən əvvəl Moskvada Rusiyanın gənc şahmat ulduzlarına qarşı çıxış etdim. Çində yarışda iştirak etdim. Səudiyyə Ərəbistanında bir yarış oldu, ardınca Hollandiyada Veyk-An-Zee superturnirində, Almaniyada bundesliqada mübarizə apardım. Moskvada Mixail Talın Memorialında, “Aeroflot” turnirnə qatıldım. Çox yarışda iştiraka razılıq vermişdim. Bu yarışlar 2 ay vaxtımı aldı. İddiaçılar Turnirinə cəmi 20 gün hazırlaşa bildim. Çox az vaxt oldu. Bu müddətdə Qaxda təlim-məşq toplanışı keçdim. Təlim-məşq olmayan günlərdə də köməkçilərim tapşırıqlar üzərində çalışırdılar. Gələcəkdə iştirakçılar daha tez təsdiqlənsə çox yaxşı olar.

- Artıq 33 yaşın var. Bu amil növbəti mövsümdə İddiaçılar Turnirinə vəsiqə qazanmağa mane olmayacaq. Yəni, həvəsdən düşmürsən?

- Şahmatda yaş fərqlidir. Futbolda 33 yaşında mundialda oynayanda deməli sənin son dünya çempionatındır.37 yaşında futbol oynamaq çətindir. Şahmatda 33 yaş yaxşı dövr sayılır. Vişvanatan Anand, Boris Gelfand kimi şahmatçılar sualınıza cavab ola bilər. Anand 40 yaşında gözəl oyun sərgiləyirdi. Dünya çempionu olanda belə yaşı az deyildi. Özümə gəldikdə, bilirsiniz ki, şahmata gec başlamışam. Turnirlərdə gec oynamağa başlamışam. Özümü şahmatda çox gənc hesab edirəm. Növbəti 2 il ərzində çox şey dəyişə bilər. İddiaçılar Turnirinə vəsiqə qazanmaq son zamanlar çox çətinləşib. Məşqləri davam etdirəcəm. Bir ildən sonra hansı formada olduğum görünəcək. Özümdə eneji və güc hiss edirəm. Tam hazır olduğumu düşünmürəm. Yüz faiz hazır olsaydım Berlində qalib gələrdim. Amma məqsədim dəyişmir. Çalışacam yaxın illərdə İddiaçılar Turnirinə vəsiqə qazanım və bu turniri çempion kimi başa vurum.

- Reytinq şahmatçı üçün nə dərəcədə önəmlidir?

- Əmsal çox vacibdir. Yüksək reytinqin olmayaqsa güclü turnirlərə dəvət almayacaqsan. Dünyanın ikincisi olduğum üçün özümü xoşbəxt hesab edirəm. Amma irəlidə Maqnus var. Karlsen çox güclü rəqibdir. Hamıya başağrısı olur. Klassik,rapid və blitsdə dünya çempionudur. Səviyyəli və güclü rəqibdir. Ona qalib gəlmək çox çətindir. FİDE reytinqində ikinci olduğum üçün ancaq birinci pilləyə yüksəlməyi əsas hədəflərimdən biri hesab edirəm.

- Artıq təmkinli oynayırsan. Risk etmirsən. Dəyişikliyin səbəbi var?

- Son turnirlərdə hamı deyir ki, qayıt köhnə oyun üslubuna. Iddiaçılar Turnirində də dedilər. Şahmatçılar həmin Şəhriyar üçün çox darıxıb. Deyirlər aqresivlik çatmır. Lakin fərqli mənzərə görünür. Dinqlə risk etdim, nəticə hamıya məlumdur. Nəticə qazanmaq üçün risk də vacibdir. Amma lazım olan oyunda. Aqresivliklə dünya reytinqində beşliyə yüksəlmək mümkün deyil. Daxilimdə həmin Şəhriyar yaşamaqdadır. Yəqin nə vaxtsa risk edən Şəhriyar qayıdacaq. Çoxu düşünür ki, işlədiyim məşqçilərə oxşamağa başlamışam. Bir müddət Dreyevlə və Xalifmanla çalışmışam, onları nəzərdə tuturlar.

- Berlində olduğun vaxt Azərbaycandan dəstəyi hiss edirdin?

- Turnir vaxtı telefondan az istifadə eləyim. İstirahət günlərində sosial şəbəkələrə 2-3 dəqiqə vaxt ayırmışdım. Çoxlu paylaşımlar gördüm. Fikrimcə Azərbaycan şahmatına heç vaxt belə dəstək olmayıb. Məncə hamı inanırdı ki, İddiaçılar Turnirində qələbə çox yaxındı. Heç vaxt görmədiyim dəstəyi hiss etdim.

- Şəmkirdə Vüqar Həşimov Memorialının ikiqat qalibisən. Bu dəfə ilk iki yarışın çempionu Maqnus Karlsen də iştirak edəcək. Superturnirdə yenidən qələbə qazanmaq şanslarını necə qiymətləndirirsən?

- Çox maraqlı heyət formalaşıb. 2018-ci ildə iki dəfə məğlub olmuşam. Biri Aniş Giriyə, digəri Dinq Lirenə.Hər ikisi Şəmkirdə yüksək yerlər uğrunda mübarizə aparacaq. Maqnusun təqdimata ehtiyaca yoxdur. Veselin Topalov, Sergey Karyakin dünyanın güclü şahmatçıları sırasındadır. David Navara aqresiv oyun üslubuna məxsusdur, istənilən rəqibi dayandıra bilər. Çox istəyirəm 5-ci turnirdə də qələbə qazanım. Çünki Karlsenin iştirak etdiyi yarışda birinci olmaq başqadır. Təşkilatçılara təşəkkür edirəm. Ancaq seçilən şahmatçıları dəvət ediblər. Çox istərdim Vüqar Həşimovun adına turnir ənənəvi olaraq hər il keçirilsin.

- Dinq Lirendən Berlindəki məğlubiyyət üçün revanş istəyirsən...

- Dünya şahmatında iki həmkarım üzərində qələbəm yoxdur. Dinq Liren və Vişvanatan Anand. Dinqlə oyunlarımız az olub. İlk dəfə Berlində məni məğlub etdi. Amma mən heç vaxt ona qalib gəlməmişəm. Klassik şahmatda onlarla bacarmamışam. Revanş dedikdə Şəmkirdə qarşılaşacayıq. Nəticəni zaman göstərəcək. Revanş yox qələbə istəyirəm.

"Çukur" serialının yeni bölümü  VİDEO like
  • 17 Apr 10:44  
Digərləri "Çukur" serialının yeni bölümü VİDEO

Türkiyənin "Show TV" telekanlında yayımlanan "Çukur" se

arrow Ətraflı
Palata: Banklarda valyuta çatışmazlığı yoxdur like
  • 17 Apr 10:43  
Digərləri Palata: Banklarda valyuta çatışmazlığı yoxdur

Azərbaycanda banklarda valyuta çatışmazlığı yoxdur.

arrow Ətraflı
Bakıda yanacaqdoldurma məntəqəsinə basqın edən maskalı şəxslər tutuldular like
  • 17 Apr 10:39  
Digərləri Bakıda yanacaqdoldurma məntəqəsinə basqın edən maskalı şəxslər tutuldular

Bakıda yanacaqdoldurma məntəqəsinə basqın edən şəxslər tutulublar.

arrow Ətraflı
Yerevanda polis 30 etirazçını saxlayıb like
  • 17 Apr 10:30  
Digərləri Yerevanda polis 30 etirazçını saxlayıb

Yerevanda polis 30 etirazçını saxlayıb.

arrow Ətraflı
BakıQuba yolunda faciə like
  • 17 Apr 10:30  
Digərləri BakıQuba yolunda faciə

Bakı-Quba yolunda ölümlə nəticələnən yol-nəqliyyat hadisəsi baş verib

arrow Ətraflı
Heydər Əliyev Mərkəzinin parkında “Oxu Günü” keçiriləcək like
  • 17 Apr 10:26  
Digərləri Heydər Əliyev Mərkəzinin parkında “Oxu Günü” keçiriləcək

Heydər Əliyev Mərkəzinin parkında “Oxu Günü” keçiriləcək.

arrow Ətraflı
Ekvador prezidenti jurnalistlərin qatilinə 10 gün vaxt verdi: Könüllü təslim ol like
  • 17 Apr 10:25  
Digərləri Ekvador prezidenti jurnalistlərin qatilinə 10 gün vaxt verdi: Könüllü təslim ol

Ekvador prezidenti Lenin Moreno jurnalistlərin qətlində şübhəli bilinən "

arrow Ətraflı
18 yaşlı gənc yoxa çıxıb like
  • 17 Apr 10:25  
Digərləri 18 yaşlı gənc yoxa çıxıb

Qaradağ rayonu Qobustan qəsəbəsi sakini Novruzov Samir Kamil oğlu 6 gündü

arrow Ətraflı
Samir 38 yaşını belə qeyd etdi  VİDEO  FOTO like
  • 17 Apr 10:21  
Şou-biznes Samir 38 yaşını belə qeyd etdi VİDEO FOTO

"Şeron" qrupunun keçmiş üzvü, 2008-ci ildə Elnur Hüseynovla bir

arrow Ətraflı
"Azərişıq" şimal regionunda elektrik şəbəkələri yenidən qurur like
  • 17 Apr 10:14  
Digərləri "Azərişıq" şimal regionunda elektrik şəbəkələri yenidən qurur

İstismar müddətini başa vurmuş yarımstansiyalar, transformator məntəqəl

arrow Ətraflı
SOCAR istiqrazları üzrə növbəti faizlər ödənilib like
  • 17 Apr 10:12  
İqtisadiyyat SOCAR istiqrazları üzrə növbəti faizlər ödənilib

İstiqraz sahiblərinin qazancı 7,5 mln. dollara çatıb

arrow Ətraflı
Yerevanda etirazlar davam edir: like
  • 17 Apr 10:12  
Dünya Yerevanda etirazlar davam edir:

Yerevan polisinin rəis müavini Valeri Osipyan Serj Sarkisyanın baş nazir pos

arrow Ətraflı