Türkiyə təyyarələrinə hücum etmək istəyən qırıcı qəzaya uğradı
Dünya 12 Apr 2018 16:36:00 272 0
Egey dənizində yerləşən İskiri adasının yaxınlığında Yunanıstanın döyüş təyyarəsi qəzaya uğrayıb.
Bu haqda Yunanıstan Hərbi Hava Qüvvələrinin məlumatında deyilir.
Məlumata görə, "Mirage 2000-5" tipli təyyarə İskiri adasının 9 dəniz mili şimali-şərqində yerli vaxtla saat 12:15-də itib. Pilotun taleyi haqqında məlumat yoxdur, axtarış-xilasetmə işləri davam etdirilir.
Təyyarənin qəzaya uğramasının səbəbi hələ məlum deyil.
Türkiyə Silahlı Qüvvələri isə təyyarənin qəzaya uğradığı vaxtda bölgədə hər hansı türk qırıcısının olmadığını açıqlayıb.
Mənbə: milli.az