MDB PA müşahidə missiyasının rəhbəri: "Əminik ki, Azərbaycan xalqı düzgün seçim edəcək"
Siyasət 11 Apr 2018 08:42:00 273 0
MDB Parlament Assambleyası müşahidə missiyasının rəhbəri, Rusiyanın Federasiya Şurasının sədrinin müavini İlyas Umaxanovun başçılığı ilə Azərbaycan prezident seçkilərində səsvermə prosesini izləməyə başlayıb.
Son.az Trend-ə istinadən bildirir ki, İ.Umaxanov 29 saylı seçki dairəsinin 2 saylı seçki məntəqəsində səsvermə prosesini müşahidə edib.
Beynəlxalq müşahidəçi deyib: "Bu gün Azərbaycanda keçirilən prezident seçkilərində seçki komissiyasının çox dəqiq və sistemli işini görürük. Artıq dördüncü dəfədir prezident seçkilərini müşahidə edirəm. Həm təşkilatçılıq, həm də əhval-ruhiyyə yüksək səviyyədir. İnsanlar seçkilərə yaxşı əhval-ruhiyyədə gəlir. Hiss olunur ki, insanlar səsverməyə xoş əhval-ruhiyyə, gələcəyə inamla, ölkələrini çiçəklənən, sülh şəraitində görmək ümidilə gəlirlər. Əminik ki, Azərbaycan xalqı düzgün seçim edəcək".
Mənbə: milli.az