Rusiya Suriyaya zərbənin mənfi nəticələri barədə ABŞ-ı xəbərdar edib


Dünya 10 Apr 2018 04:31:03 325 0

Rusiya Suriyaya zərbənin mənfi nəticələri barədə ABŞ-ı xəbərdar edib

Nebenzya: "Suriya Dumasına kimyəvi hücum iddiaları təxribatdır və pis sonluqla nəticələnə bilər"

Rusiya Birləşmiş Ştatları dəfələrlə Suriyaya zərbə endirməkdən çəkindirməyə çalışıb.

“Report” TASS-a istinadən xəbər verir ki, bunu Rusiyanın BMT-dəki daimi nümayəndəsi Vasili Nebenzya BMT TŞ-nin Suriyadakı vəziyyətlə bağlı təcili iclasından sonra jurnalistlərə açıqlamasında deyib.

"Müdafiə Nazirliyi tərəfindən dəfələrlə bəyan edildiyi kimi, Rusiya ordusu Suriya hökumətinin dəvəti ilə qanuni olaraq oradadır. Biz Amerika tərəfini onlar tərəfindən qanuni Suriya hökumətinə qarşı mümkün silah tətbiqinin olduqca mənfi nəticələrinə dair xəbərdar etmişik. Xüsusilə də bu silahların istifadəsi – nə badə, əlbəttə ki, Suriyada qanuni olan ordumuza təsir edərsə", - deyə Nebenzya bildirib.

O əlavə edib ki, Suriya Dumasına kimyəvi hücum iddiaları təxribatdır və pis sonluqla nəticələnə bilər.