ABŞ prezidenti Donald Tramp Vaşinqtonun Suriyanın Duma şəhərinə kimyəvi hücumla əlaqədar hərbi əməliyyatlar üçün bir çox variantının olduğunu və bununla əlaqədar tezliklə qərar qəbul ediləcəyini deyib.

“Report” TASS-a istinadən xəbər verir ki, Amerika lideri bu bəyanatla bazar ertəsi günü ölkənin hərbi komandirləri ilə görüşdə çıxış edib.

"Hərbi planda bir çox variantımız var və biz tezliklə sizə məlumat verəcəyik", - deyə o bildirib. Bundan əlavə, ABŞ indi Dumada iddia olunan kimyəvi hücumun arxasında kimin olduğunu müəyyən etməyə çalışır.