"Ford" və "Mercedes" toqquşub, 4 nəfər xəsarət alıb


Digərləri 08 Apr 2018 19:25:00 264 0

"Ford" və "Mercedes" toqquşub, 4 nəfər xəsarət alıb

Zərdabda 4 nəfərin xəsarəti ilə nəticələnən yol qəzası baş verib.

Son.az APA-ya istinadən bildirir ki, hadisə bu gün günorta saatlarında Zərdab-Mollakənd yolunun Zərdab rayonundan keçən hissəsində qeydə alınıb.

Şahin Şirvan oğlu Cəfərovun idarə etdiyi "Ford" markalı maşınla İbrahim Rafiq oğlu İsayevin idarə etdiyi "Mercedes" markalı avtomobil toqquşub. Nəticədə hər iki sürücü və "Mercedes" markalı avtomobilin sərnişinləri - Vahid Əlağa oğlu Həsənov və onun həyat yoldaşı xəsarət alıblar.

Ş. Cəfərovun xəsarətləri ağır olduğundan o, müalicə məqsədi ilə paytaxta aparılıb. 

Faktla bağlı araşdırma aparılır.