Birinin 8, o birinin 7, digərlərinin isə 5 və 3 yaşları var. Yaşlarının bu vaxtında ata-ana nəvazişindən kənarda qalıblar. Bu balaca çarəsiz uşaqlar bir müddətdir ki, valideynlərinin üzünə həsrətdirlər.

Son.az xezerxeber.az-a istinadən bildirir ki, uzun müddət ac-susuz və baxımsız qalan uşaqları qonşuları sığınacağa gətiriblər. Psixoloji vəziyyətləri yerində olmayan azyaşlılar başlarına gələnləri dillərinə belə gətirməkdə çətinlik çəkirlər.

Qonşuların sığınacağa verdikləri məlumata görə, bu uşaqların ataları tüfeyli həyat sürür. Anaları isə müxtəlif dərmanlar qəbul edir, hətta bəzən günlərlə evə belə gəlmir. Analarının dərman aludəçisi olduğunu elə uşaqlar da təsdiqləyirlər. Hətta bunlar azmış kimi uşaqlar valideynləri tərəfindən zorakılığa belə məruz qalıblar

Hazırda paytaxtdakı sığınacaqlardan birində qalan uşaqlardan birini atası gəlib aparıb. Amma digər 3 uşaq onunla getmək istəmədiyi üçün hələ də sığınacaqdadır.