Almaniyanın Şimali Reyn-Vestfaliya torpağının Münster şəhərində sürücü kiçik həcmli yük maşınını oturmuş vəziyyətdə olan bir qrup insanın üzərinə sürüb.

“Report” xəbər verir ki, ilkin məlumata görə, polis hadisənin qəsdən törədildiyini ehtimal edir.

Yanğın xidmətinin nümayəndəsi təqribən 50 nəfərin xəsarət aldığını bildirir.

"Rheinische Post" nəşrinin mənbələri sürücünün özünü güllələdiyini bildiriblər. "Focus" nəşri də polisə istinadən iddia edir ki, şübhəli şəxs intihar edib.

Hadisə yerinə polis vertolyotları gəlib, hüquq-mühafizə orqanlarının əməkdaşları ərazidə partlayıcı maddə axtarırlar.