Bakı. Samir Əli - Bakı Ağır Cinayətlər Məhkəməsində ölümlə nəticələnən yol-nəqliyyat hadisəsini törətməkdə təqsirləndirilən Rəhim Rəhimovun cinayət işi üzrə məhkəmə iclası davam etdirilib. Trend-in məlumatına görə, hakim Novruz Kərimovun sədrliyi ilə keçirilən prosesdə məhkəmə istintaqı yekunlaşıb və prokuror təqsirləndirilən şəxsə 6 il cəza istəyib. Prosesdə müdafiə çıxışı edən vəkillər təqsirləndirilən şəxsə bəraət istəyib. Proses aprelin 16-na təyin olunub.