Son.az Trend-ə istinadən xəbər verir ki, bunu Lesotonun beynəlxalq əməkdaşlıq və xarci işlər naziri Leseqo Makqhoti Bakıda keçirilən "Davamlı inkişaf naminə beynəlxalq sülh və təhlükəsizliyin təşviq edilməsi" mövzusunda Qoşulmama Hərəkatı çərçivəsində xarici işlər nazirlərinin aralıq konfransında çıxışı zamanı deyib.

BMT Təhlükəsizlik Şurasının Dağlıq Qarabağ münaqişəsi ilə bağlı qətnamələr qəbul etdiyini bildirən L.Makqhoti münaqişənin həllinin uzanmasından təəssüf hissi keçirdiyini diqqətə çatdırıb.

Lesotolu nazir dünyada münaqişələrin həlli istiqamətində BMT-nın səylərini artırmasının vacibliyini vurğulayıb. O qeyd edib ki, dünyada sülhün və sabitliyin təmin edilməsi üçün əməkdaşlığa ehtiyac var.