Son.az bildirir ki, bu sözləri xərçəng xəstəliyindən əziyyət çəkən xalq artisti Fuad Poladov səhhəti ilə bağlı pressclub.az-a danışarkən deyib. O bildirib ki, xəstəliyinə görə övladları narahatdır ki, bu da onu ağrıdır: "Onların çarəsizliyi məni narahat edir. Heç kimə əziyyət vermək istəmirəm. Hər atanın arzuları kimi mənim də xəyallarım var. Onları yaşamaq qismətim olsa, görərəm deyirdim. İndi bilmirəm. Allahdan istəyim, oğlumun toyunu görməkdir. Son günlər bir az xəstəlik mənə güc gəlir, deyəsən. Allah hər kəsə kömək olsun".