Azərbaycan Gürcüstan və Ukrayna ilə birgə müəssisə təsis edəcək


İqtisadiyyat 04 Apr 2018 17:02:27 318 0

Azərbaycan Gürcüstan və Ukrayna ilə birgə müəssisə təsis edəcək

Bu, ölkələr arasında bərə-dəmir yolu əlaqəsinin yaradılması, ona xidmət göstərilməsi məqsədi daşıyır

Ukrayna Azərbaycanın nəqliyyat layihələrinə maraq göstərir.

Bunu "Report"a açıqlamasında Ukraynanın Azərbaycandakı səfirliyinin ticarət və iqtisadi missiyasının rəhbəri Sergey Şitelyuk deyib.

Onun sözlərinə görə, iki ölkə arasında nəqliyyat sahəsində əməkdaşlığın əsas istiqamətlərindən biri "Şərq-Qərb" layihəsi çərçivəsində "Yeni İpək Yolu" və "TransXəzər Beynəlxalq Nəqliyyat Narşrutu" (TBNM) layihələrinin həyata keçirilməsi və Azərbaycanıntəklif etdiyi “Cənub-Qərb” layihəsində Ukraynanın iştirak etməsidir: "Ukrayna geosiyasi konyukturadakı ən son tendensiyaları və beynəlxalq nəqliyyat kommunikasiyalarının inkişafını nəzərə almaqla yalnız Qara dəniz hövzəsi ilə məhdudlaşmır, eyni zamanda, beynəlxalq nəqliyyat siyasətini Türkiyə, Gürcüstan və Azərbaycanla interqral əlaqə yaratmaqla qurur".

Missiya rəhbəri qeyd edib ki, TBNM və "Cənub-Qərb" nəqliyyat maşrutu layihələrinin həyata keçirilməsi çərçivəsində bu ilin Iyarısında Ukrayna və Gürcüstan, eləcə dəGürcüstan və Azərbaycan arasında bərə və dəmir yolu xəttinin istifadəyə verilməsi ilə bağlı ikitərəfli sazişlərin bağlanması gözlənilir: "Hazırda tərəflər Ukrayna, Gürcüstan və Azərbaycan arasındakı bərə-dəmir yolu əlaqəsinin yaradılması,ona xidmət göstərilməsiüzrə birgə müəssisənin yaradılmasına dair sazişin əsas elementlərini hazırlayırlar".