Çempionlar Liqasının 1/4 finalında "Juventus"un qonağı olan "Real" 3:0 hesablı qələbə qazanıb. Bu oyun Madrid klubunun müdafiəçisi Daniel Karvaxal üçün də əlamətdar olub. Goal.az xəbər verir ki, ispaniyalı futbolçu Çempionlar Liqasında ardıcıl 25 oyunda məğlub olmamaqla yeni rekord müəyyənləşdirib. Karvaxal sonuncu dəfə 2015-ci ildə məhz "Juventus"a məğlubiyyətin (1:2) şahidi olmuşdu. Bu mövsüm "Real"ın "Tottenham"ə uduzduğu matçda Karvaxal meydana çıxmamışdı.