Bakı. Beynəlxalq Qazma Podratçıları Assosiasiyası (IADC) Bakı Ali Neft Məktəbində (BANM) “Qazma platformalarının avtomatlaşdırılmasının statusu və gələcəyi” adlı seminar keçirib. BANM-dan Trend-ə verilən məlumata görə, seminarın əsas qonağı Amerikanın Hyuston ştatında yerləşən “National Oilwell Varco” (NOV) şirkətinin Biznes və Texnologiyaların İnkişafı üzrə direktoru Tom Yost olub. Tədbirdə həmçinin IADC-nin Xəzər hövzəsi üzrə Komitəsinin sədri Graham Clark, NOV şirkətinin Xəzər Regionu üzrə meneceri Ramiz İmamquliyev və IADC-nin Xəzər hövzəsi üzrə Komitəsinin üzvü, BP-nin qazma mühəndisi Tural Nağıbəyli iştirak ediblər.