Hamilə rəfiqəsini öldürüb, qarnını yarıb uşağı oğurlamaqda təqsirləndirilən qadın həbs edilib.

Son.az xarici mətbuata istinadla xəbər verir ki, Meksikada hamiləykən uşağını düşürən qadın bunu ört -basdır etmək üçün hamilə rəfiqəsini boğaraq öldürüb, sonra da qarnını yırtaraq uşağı oğurlayıb, qaçıb.

Dəhşətli hadisədən sonra Cinthia Fatima N adlı qadın və əri saxlanılıb. Ölən 20 yaşlı Jessica Gabriela-nın əri isə şok yaşayıb.

Məlumata görə, Fatimə Cessika ilə uşaq paltarları satılan onlayn-mağazaların birində tanış olub.

Fatimə Cessikanı aldadıb və evinə dəvət edib. O, Cessikanı boğub, öldürüb, sonra da uşağını oğurlayıb.

Cessikanın evə gəlmədiyini görən ailəsi narahat olub və bu barədə polisə məlumat verib.