Son.az CBS News-a istinadən bildirir ki, bu oğlan Daun sindromu xəstəsi olan 12 yaşlı Piter Lombardidir. O, ailəsi ilə birlikdə Romaya ABŞ-ın Ohayo ştatından gəlmişdi.

Leykemiya xəstəsi də olan Piter bu ölümcül mərəxdən müalicə olunub. Anasının dediyinə görə, oğlu iki il əvvəl müayinə ediləndə onda leykemiya aşkarlanmışdı.

"Günlərin birində oğlum Papanı televizorda gördü və nəyin bahasına olursa-olsun, onnula görüşmək istədi. 2015-ci ildə Papa Fransiski Filadelfiyada görmək niyyətində idik. Amma Piter xəstəxanaya düşdü, leykemiya ilə bağlı kimya terapiyası kursuna məruz qaldı. Üç il keçdi, oğlumun arzusu çin oldu", - Piterin anası söyləyib.