Bakıda taksi gənc oğlanı vurub, onun hər iki ayağı sınıb
Digərləri 30 Mar 2018 08:42:00 260 0
Onun vəziyyəti orta-ağırdır
Sabunçu rayonunda 1 nəfərin ağır xəsarət alması ilə nəticələnən yol qəzası baş verib.
Son.az report.az-a istinadən bildirir ki, hadisə Maştağa qəsəbəsində qeydə alınıb.
1981-ci il təvəllüdlü Quliyev Elçin Mədət oğlu yolu keçmək istəyərkən onu "London taksisi" vurub. Yaralı taksi sürücüsü tərəfindən 3 saylı Kliniki Tibbi Mərkəzə yerləşdirilib.
Həkimlərin verdiyi məlumata görə, vurulan piyadanın hər iki ayağında açıq sınıq aşkarlanıb. Yaralı cərrahi əməliyyat olunub. Onun vəziyyəti orta-ağırdır.
Faktla bağlı Sabunçu Rayon Polis İdarəsində araşdırma aparılır.
Mənbə: milli.az