Ülviyyə Şamilqızının meyiti üzərində aparılan tibbi ekspertizanın yekun rəyi açıqlandı FOTO


Digərləri 29 Mar 2018 15:02:00 279 0

Ülviyyə Şamilqızının meyiti üzərində aparılan tibbi ekspertizanın yekun rəyi açıqlandı  FOTO

Rusiyanın Həştərxan şəhərində avtomobil qəzasında ölən azərbaycanlı jurnalist Ülviyyə Şamilqızının (Məmmədova) meyiti üzərində aparılan tibbi ekspertizanın yekun rəyi açıqlanıb. 

Son.az report-a istinadən xəbər verir ki, ekspertizanın rəyinə əsasən, Ü.Şamilqızı hadisə baş verəndən 30 dəqiqə sonra keçinib. 

Rəydə qeyd olunub ki, Ü.Şamilqızının aldığı bədən xəsarətləri və travmalar ilə sağ qalmaq ümidi olub: "Təcili Tibbi Yardım maşını hadisə baş verən əraziyə gec gəlib. Huşsuz halda üzüyuxarı vəziyyətdə uzanan Ülviyyə Məmmədovanın boğazına qan yığılıb və o, öz qanında boğularaq ölüb". 

Ekspertizanın rəyində həmçinin qeyd olunub ki, hadisə Rusiya Federasiyası vaxtı ilə 18:20-də baş verib: "Hadisədən sonra qəzanı törədən sürücüyə məxsus mobil nömrədən saat 18:24-də Təcili Tibbi Yardım Stansiyasına (TTYS) zəng olunub. Bir qədər sonra - 18:36-da  TTYS-dan qəzanı törədən şəxsin mobil nömrəsinə zəng olunub və tibbi yardım maşınını idarə edən sürücünün qəza baş verən ərazini tapa bilməməsi deyilib. Qəzanı törədən sürücü yenidən saat 18:40-da TTYS-ə zəng edib və Təcili Tibbi Yardım maşınının niyə gəlmədiyini soruşub. Təcili tibbi yardım maşını hadisə yerinə saat 19:00 radələrində - Ülviyyə Məmmədova dünyasını dəyişəndən sonra gəlib çatıb" - Məhkəmə Tibbi Ekspertiza və Patoloji Anatomiya Birliyinin verdiyi rəydə bildirilib. 


Xəbərə aid foto