Son.az xezerxeber.az-a istinadən bildirir ki, Nazirlər Kabineti bununla bağlı qərar verib.

Nazirlər Kabinetinin qərarına əsasən müəllimlərin maaşları müəyyən olunmuş staja görə artırılıb. Belə ki, ümumtəhsil məktəblərində stajı 3 ilə qədər olan ali təhsilli müəllimlərin maaşı 350-dən 385 manata qaldırılıb. Pedaqoji stajı 3 ildən 8 ilə qədər olan ali təhsilli müəllimlərin maaşı 375-dən 413 manata, pedaqoji staj 8 ildən 13 ilə qədər olan ali təhsilli müəllimlərin maaşı 395 manatdan 435 manata qədər artıb. 13 ildən artıq pedaqoji fəaliyyətlə məşğul olanların əmək haqqı 420 manatdan 462 manata, pedaqoji staj 18 ildən çox olanların isə 450 manatdan 495 manata qaldırılıb.

Artım orta təhsilli müəllimlərə də şamil edilir. Stajı 3 ilə qədər olan orta ixtisas təhsilli müəllimlərin maaşı 320 dən 352 manata, pedaqoji staj 3 ildən 8 ilə qədər olan orta ixtisas təhsilli müəllimlərin maaşı 335-dən 369 manata, pedaqoji staj 8 ildən 13 ilə qədər olan orta ixtisas təhsilli müəllimlərin maaşı 350-dən 385 manata, pedaqoji stajı 13 ildən 18 ilə qədər olan orta ixtisas təhsilli müəllimlərin maaşı 370-dən 407 manata, pedaqoji stajı 18 ildən çox olan orta ixtisas təhsilli müəllimlərin maaşı 385-dən 424 manata qaldırılıb.

Stajı 3 ilə qədər olan ali təhsilli müəllimlərin maaşı 350 manatdan 385 manata, pedaqoji stajı 3 ildən 8 ilə qədər olan ali təhsilli müəllimlərin maaşı 375 manatdan 413 manata, pedaqoji stajı 8 ildən 13 ilə qədər olan ali təhsilli müəllimlərin maaşı 395 manatdan 435 manata, pedaqoji stajı 13 ildən 18 ilə qədər olan ali təhsilli müəllimlərinin maaşı 420 manatdan 462 manata, pedaqoji stajı 18 ildən çox olan ali təhsilli müəllimlərin maaşı 450 manatdan 495 manata qaldırılıb.