ABŞ Səfirliyi Azərbaycana təhsil siyasəti üzrə mütəxəssis dəvət edib


Sosial 26 Mar 2018 12:09:51 309 0

ABŞ Səfirliyi Azərbaycana təhsil siyasəti üzrə mütəxəssis dəvət edib

Kolumbiya Universitetinin professoru Bakıda ictimai mühazirələr və seminarlar təşkil edəcək

26-30 mart 2018-ci il tarixlərində “Təhsil Siyasəti və Sosial Təhlildə Təcrübə” üzrə ixtisaslaşan beynəlxalq dərəcədə tanınmış Kolumbiya Universitetinin professoru Amra-Sabic-El-Rayess ADA Universitetində, Bakı Mühəndislik Universitetində, Xəzər Universitetində və Bakı Dövlət Universitetində ictimai mühazirələr və seminarlar təşkil edəcək.

Bu bardə "Report"a ABŞ-ın Azərbaycandakı səfirliyindən məlumat verilib.

Məlumtda bildirilib ki, ohəmçinin Azərbaycanda təhsil siyasətini müzakirə etmək üçün Təhsil Nazirliyinin əməkdaşları ilə də görüşəcək. Professorun təhsil sahəsində tədqiqatlar, təhsilə dair sübuta əsaslanan siyasətin formalaşdırılması, ölkədə təhsilin inkişafı problemləri və tədqiqatın kəmiyyət metodları üzrə seminarlarında əsas iştirakçılar doktorantlar, təlimçilər və universitet şurasının üzvləri olacaqlar.

Professor Amra-Sabic-El-Rayess Kolumbiya Universitetində Təhsil Siyasəti və Sosial Təhlildə Təcrübə üzrə Dosentdir. O, ictimai hərəkətlilik, təcrid olunma, elit qrupun formalaşması, korrupsiya, təhsil liderliyi və təşkilatı, keçid ədaləti və müəllim keyfiyyəti kimi suallar da daxil olmaqla təhsil sahəsində bir sıra məsələlər üzrə tədris etmiş, tədqiqatlar aparmış və dərc edilmişdir.