Bədbəxt hadisə rayonun dağ kəndi olan Aşağı Təngivanda baş verib. Kənd sakini Böyükxanım Əliyeva təndirdə çörək bişirərkən təndirin içərisinə yıxılıb.

Son.az xezerxeber.az-a istinadən bildirir ki, Böyükxanım Əliyeva aldığı yanıq xəsarətlərindən hadisə yerində dünyasını dəyişib. Qadının yanmış meyiti təndirdən çıxarılıb.

Hadisə yerinə hüquq mühafizə orqanlarının əməkdaşları Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinin əməkdaşları cəlb olunub. Mərhumun ölümünün dəqiq səbəbləri ekspertizanın verəcəyi rəydən sonra məlum olacaq.