MDB ölkələrinin bank sistemlərinə həsr olunmuş toplu çapdan çıxıb


İqtisadiyyat 24 Mar 2018 02:47:08 273 0

MDB ölkələrinin bank sistemlərinə həsr olunmuş toplu çapdan çıxıb

Məcmuə artıq 10 ildən çoxdur ki hər il dərc olunur

MDB-nin Maliyyə-Bank Şurası tərəfindən "İnterfax" beynəlxalq informasiya holdinqi və MDB-nin Beynəlxalq Statistika Komitəsi ilə birgə nəşr etdiyi "MDB ölkələri bankları. 2016-cı ilin yekunları" analitik toplusu çapdan çıxıb.

“Report” xəbər verir ki, statistik topluya 9 ölkənin - Azərbaycan, Rusiya, Ukrayna, Qazaxıstan, Belarus, Özbəkistan, Moldova, Ermənistan və Qırğızıstanın bankları haqqında məlumatlar daxil edilib.

Topluda bu dövlətlərin milli və mərkəzi banklarının, iqtisadi informasiya agentliklərinin, banklarının saytlarında dərc olunmuş məlumatlardan istifadə edilib.

"MDB ölkələri bankları. 2016-ıc ilin yekunları" analitik toplusunda bankların fəaliyyətlərinin əsas həcm göstəriciləri və onların dinamikası faizlərlə öz əksini tapıb.

Kolleksiya 10 ildən çox müddətdə illik olaraq nəşr olunur.