Şəkərli içkilər erkən ölümə səbəb ola bilər


Digərləri 22 Mar 2018 19:09:00 266 0

Şəkərli içkilər erkən ölümə səbəb ola bilər

Britaniya mətbuatı qidaların insan orqanizminə təsirinə də diqqət ayırıb.

"The Independent" qəzeti yazır ki, alimlər şəkərli içkilərin erkən ölümlərlə bağlılığını aşkar ediblər. Lakin onlar bunu şəkərli qidalara aid etmirlər.

Bu ona görə belədir ki, şəkərli içkilər və şəkərli qidalar orqanizmdə müxtəlif şəkildə həzm edilir.

Alimlər bu nəticəyə gəlməzdən əvvəl yaşı 45-dən yuxarı bir qrup insanı 6 il müddətində müşahidə ediblər.

Təcrübə göstərib ki, günə 680 qramdan artıq şəkərli içki qəbul edənlərin erkən ölüm riski belə içkiləri günə 28 qramdan artıq qəbul etməyənlərlə müqayisədə iki dəfə çoxdur.

Lakin alimlər vurğulayırlar ki, bu nəticələr erkən ölümlərin şəkərli içkilərlə yalnız bağlılığını göstərib və birmənalı qaydada səbəb kimi qəbul edilə bilməz.