"Manchester United" və Hollandiya millisinin sabiq müdafiəçisi Yaap Stam işsiz qalıb. Goal.az xəbər verir ki, 45 yaşlı mütəxəsis "Reading"in baş məşqçisi postundan istefaya göndərilib. Stam Championship klubunda 2016-cı ildən bəri çalışırdı. Onun müqaviləsi 2019-cu ildə başa çatmalı idi. İstefanın səbəbi komandanın uğursuz nəticələri ilə bağlı idi. "Reading" Stamın baş məşqçi kimi işlədiyi ilk klubdur. O, daha öncə "Ajax" və "Zwolle"nin məşqçilər korpusunda çalışmışdı.