Yeni Kaledoniya müstəqillik haqqında referendumu payızda keçirəcək
Dünya 19 Mar 2018 14:52:13 226 0
Müstəqillik müdafiə, ədliyyə və valyuta istisna olmaqla bir sıra sahələrə nəzarətin tədricən yerli hökumətə keçməsini nəzərdə tutur
Yeni Kaledoniya Konqresində Fransadan müstəqillik haqqında referendumun bu il noyabrın 4-də keçirilməsi səs çoxluğu ilə təsdiqlənib.
Bu barədə "Report" "İnterfaksa" istinadən xəbər verir.
Referendumun lehinə 38, əleyhinə 14 deputat səs verib, 2 nəfər bitərəf qalıb.
Referendum 1998-ci ilin Numea sazişi çərçivəsində təşkil olunacaq. Müstəqillik müdafiə, təhlükəsizlik, ədliyyə və valyuta ilə bağlı sahələr istisna olmaqla bir sıra sahələrə nəzarətin tədricən yerli hökumətə keçməsini nəzərdə tutur.
Yeni Kaledoniya – Fransanın Sakit Okeanda yerləşən xarici ərazisidir. 1998-ci ildə arxipelaqda müstəqillik haqqında referendum keçirilib. Həmin vaxtlar yerli sakinlər siyasətçilərin təşəbbüsünü dəstəkləməyiblər.
Mənbə: report.az