Bakıda tikinti işi zamanı ölüm hadisəsi baş verib.

"Report"un xəbərinə görə, hadisə Səbail rayonunda qeydə alınıb.

Rayon ərazisində yarımtikilidə usta kimi fəaliyyət göstərən 1983-cü il təvəllüdlü Balakişiyev Ədalət Fazil oğlu naməlum səbəbdən çalışdığı yerdə ölüb. Hadisənin baş verdiyi əraziyə Səbail Rayon Polis İdarəsinin 8-ci Polis Bölməsinin və Səbail Rayon Prokurorluğunun əməkdaşları cəlb edilib.

Ölümün dəqiq səbəblərini araşdırmaq üçün meyit Məhkəmə Tibbi Ekspertiza və Patoloji Anatomiya Birliyinə təhvil verilib.

Hadisənin səbəbləri araşdırılır.