Son.az deyerler.org-a istinadən bildirir ki, yaddan çıxartmayın ki, sevgini dilə gətirmək dostluq və ülfət bağlarını möhkəmləndirər və bu ağacdan güclü meyvələr əmələ gələr.

Kişilərin qadınlarına hədiyyə almaq mövzusu bir qədər qarışıq məsələdir. Belə ki, bəzi kişilər ifrat və təfrit etməyərək, belə düşünürlər ki, qadın üçün ən böyük hədiyyə mənəvi hədiyyədir: "Mən həyat yoldaşımı sevirəm və ona hörmət edirəmsə, bu, elə onun üçün kifayətdir. Maddi hədiyyənin heç bir rolu yoxdur".

Ancaq bu əqidədə olan kişilərə demək istəyərdik ki, onlar səhv edirlər. Çünki qadın lətif və həssas varlıqdır və o, bir gül kimidir. Bu gülün solmaması üçün onu qorumaq, torpağını yumşaltmaq və yarpaqlarını silmək lazımdır. Bəzən də onu daha gözəl və daha böyük qaba köçürtmək lazımdır.