Aygün Kazımova: "Ay da, uy da, oy mama" kimi işlər mənlikdir –
Şou-biznes 13 Mar 2018 11:52:00 361 0
Xalq artisti Aygün Kazımova ilə tədbirlərin birində ayaqüstü görüşdük.
Həmişəki kimi, tədbirdə seçilməyi və diqqət çəkməyi bacarır.
Əhvalı yüksəkdir. Gülür, ətrafa enerji saçır. Xoş əhvalından istifadə edib bir-iki sual ünvanlayırıq.
Son.az oxu.az-a yeni işlərindən danışan Kazımovanın müsahibəsini təqdim edir:
- İnsanlar konsertdən sonra yenidən durğunluq olacağını düşünürdülər, lakin Aygün Kazımova aktiv həyatına davam edir...
- Əslində, mənim aktiv həyatım keçən ilin yanvarından başlayıb, hələ də davam edir.
- Yeni işlər var, amma deyəsən, gizlədirsiniz...
- Bəli, var. Üç gün öncə bir klipi bitirdik. Hətta çəkiliş zamanı yıxılmışam. Burnumdan zədə almışdım. Rejissora demişəm ki, necə edirsən, et, onu gizlət. Bundan başqa, ardı-arası kəsilmədən tamaşaçılarımız yeni layihələr görəcək.
- Yeni fotosessiyanız fərqli idi, yenə də insanları təəccübləndirdiniz...
- Bu, kişi imicini əks etdirən geyimlər idi. Mənə tamaşaçıların rəyi çox maraqlıdır. Dostlarım fotolarımı çox bəyəndiklərini söylədilər. Növbəti fotosessiyamız tam başqa olacaq. Klipdə görünüşüm tam başqa, o birində isə başqa cür olacaq. Gözəl xəbərlər var.
- Bu yaxınlarda "Cücələrim" layihəsi də oldu. Tamaşaçılar sizdən bunu gözləmirdi...