Elmar Məmmədyarov: "ATƏT PA-nın İpək Yoluna Dəstək Qrupu regional nəqliyyat layihələrinə töhfə verə bilər"
Siyasət 13 Mar 2018 11:28:59 309 0
XİN başçısı: "Azərbaycan özünü doğruldub, ölkədə siyasi sabitlik var"
“Report”un xəbərinə görə, bunu ATƏT Parlament Assambleyasının (PA) İpək Yoluna Dəstək Qrupunun Bakıda keçirilən beynəlxalq konfransında Azərbaycanın xarici işlər naziri Elmar Məmmədyarov deyib.
Nazir bildirib ki, bu qrup ATƏT-ə üzv dövlətlərin əməkdaşlığını vacib sayır: “Bu istiqamətdə atılan addımları müsbət qarşılayıram. Bu qrup fəal olmalıdır, böyüməlidir. Bu platforma regional nəqliyyat layihələrinə töhfə verə bilər”.
E.Məmmədyarov qeyd edib ki, Azərbaycan son illərdə qeyri-neft sektorunda önəmli addımlar atıb: “Azərbaycan Avropanın enerji təhlükəsizliyində önəmli rol oynayır. Gələcək əməkdaşlıq üçün nəqliyyat infrastruktunu inkişaf etdirməliyik. Azərbaycan özünü doğruldub, ölkədə siyasi sabitlik var. Bu, iqtisadiyyatın inkişafına təkan verir. Azərbaycan nəqliyyat layihələrinin mərkəzində yerləşir."