Böyük britaniyalı komediya aktyoru Kenn Artur Dodd vəfat edib.

“Report” xarici KİV-ə istinadən xəbər verir ki, o, 90 yaşında dünyasını dəyişib.  

İki həftə əvvəl xəstəxanaya yerləşdirilən aktyorun ölümünə səbəb infoksion xəstəlik olub.

Qeyd edək ki, K.A.Dodd “Alisa möcüzələr diyarında” və “Doktor Kim” kimi film və seriallarda rol alıb. O, eyni zamanda stand-upları və yazdığı musiqiləri ilə məşhurluq qazanıb. 1960-cı ildə səhnədə etdiyi uzun çıxışla Ginnesin Rekordlar Kitabına düşüb.