Bakı. Bakı Şəhəri üzrə Təhsil İdarəsinin tabeliyindəki 160 nömrəli Klassik Gimnaziyada alman dili üzrə kursu başa vuran məktəblilərin mükafatlandırılma mərasimi keçirilib. İdarədən Trend-ə verilən məlumata görə, mərasimdə Almaniya Federativ Respublikasının Azərbaycandakı səfirliyinin Mədəniyyət və iqtisadiyyat şöbəsinin müdiri Tereza Şönfelt, məktəb direktorları, müəllimlər, şagirdlər, KİV təmsilçiləri və digər qonaqlar iştirak ediblər.