"Xatırlayırsınızsa, 1 il öncə milli karyerama fasilə vermək qərarına gəldim. Yaşımı, ən əsası sağlamlıq vəziyyətimi nəzərə alıb bütün diqqətimi klubdakı çıxışıma yönəltməli olduğumu anladım. Həmin vaxt yığmanın baş məşqçisi Stanislav Çerçesov mənə məsləhət gördü ki, "müvəqqəti dayandırmaq" formulasındanistifadə edim. Dünya çemponatına 3 ay qalmış hesab edirəm ki, mən və qardaşım aydın formada milli karyeramızı başa vurduğumuzu deməliyik. Yenə qeyd edirəm ki, millinin düşərgəsinəhəmişə məmnuniyyətlə gəlib var gücümü ortaya qoymuşam. Amma indi fiziki durumum mənə başqa seçim yeri qoymur" - 35 yaşlı müdafiəçi deyib.