UEFA Etika komitəsi "Spartak"ın U-19 komandasının futbolçusu Leonid Mironovla bağlı işi bağlayıb. Goal.az xəbər verir ki, 19 yaşlı müdafiəçinin cəzalandırılmaması qərara alınıb. Mironov UEFA Gənclər Liqasının qrup mərhələsində "Liverpool"a qarşı matçda rəqibin qaradərili hücumçusu Rayan Bryuqsterə qarşı irqçilikdə ittiham olunurdu. 17 yaşlı forvard final fitindən sonra referi Məhəmməd əl-Həkimə rasizmə məruz qaldığını bildirmişdi. Bundan sonra hər iki tərəfin futbolçuları bir-birinin əlini sıxmadan paltardəyişmə otağına yollanmışdı.