Əqrəbləri tərsinə işləyən saat...

Son.az xezerxeber.az-a istinadən bildirir ki, Lənkəran rayon sakini Şahin Baxşıyev düzəltdiyi saatlar digərlərindən fərqlənir. Belə ki bu saatların əqrəbləri ancaq tərsinə işləyir. Lakin buna baxmayaraq vaxtı düz göstərir.

32 ildir ki, saat təmiri ilə məşğul olan usta deyir ki, o bu işi atasından öyrənib. O bir neçə ildir ki, saat mexanizminə dəyşiklik edərək onun əqrəblərinin əks istiqamətə işləməsinə nail olub. Bunun üçün bəzi çarxları dəyişərək yenisi ilə əvəz edib.

Ustanın sözlərinə görə, bir vaxtlar saatlara maraq azalsa da indi təlabat daha çoxdur. Bir saatın düzəldilməsinə 1-2 saat vaxt lazım olur. Şahin Baxşıyev hazırda yeni qol saatını düzəltməklə məşğuldur. Sifariş əsasında hazırladığı bu saatın da əqrəbi əks istiqamətə hərəkət edəcək. Saatın əqrəbləri kimi, rəqəmlərinin də yeri dəyişik olacaq.