Son.az xezerxeber.az-a istinadən bildirir ki, 50 ilə yaxındır ki, kəndlərində baş verən hər bir hadisəni qələmə alır. Şəki rayonunun Baş Zəyzid kənd sakini İrşad Yusifov hər gün "Gündəlik" yazır.

1969-cu ildən bu işə həvəs göstərən İrşad Yusifovun gündəliklərinin sayı 100-ə çatıb. Həmin gündəliklərdə kənddə baş verən hər bir hadisə detallarına qədər qeyd edilib. Yas-toy məclislərindən tutmuş, kənddə baş vermiş təbiət hadisələri, yeni doğulanlar, əsgərlik məclislərinə qədər - hər bir hadisə haqda qeydlər var.

İrşad Yusifovun sözlərinə görə, hətta bəzən kənddə hansısa mövzuda mübahisəli məsələlər olduqda sakinlər ona müraciət edirlər.