Dərs başa salır, şagirdlərin sullarına cavab verir, qiymətləndirmə aparır. Gözlərinin görməməsi ona sevdiyi müəllimlik peşəsinin öhdəsindən uğurla gəlməyə mane olmur.

Son.az xezerxeber.az-a istinadən bildirir ki, Zaqatala rayonunun Suvagil kənd sakini, 54 yaşlı  Beydulla İsgəndərov 28 ildir ki, kənd 1 saylı tam orta məktəbində tarix fənnini tədris edir.

Anadangəlmə gözlərinin görməməsi ona bir sıra çətinliklər yaratsa da, o, bu çətinlikləri aşmağı, şagirdlərinin və həmkarlarının sevimlisi olmağı bacarıb. Həyatı gözü ilə deyil, qəlbi ilə görən Beydullah müəllim daim öz üzərində çalışır. Hətta o, diaqnostik qiymətləndirmədə gözəl nəticə də göstərib.