Salyan rayonunda Dövlət Yol Polisi postuna silahlı hücum olub. Hadisə Ələt-Astara magistral yolunun Salyan rayonu ərazisindən keçən hissəsindəki postda qeydə alınıb.

Son.az xezerxeber.az-a istinadən bildirir ki, Salyan şəhər Cəfər Cabbarlı küçəsində yaşayan 1988-ci il təvəllüdlü Bağırov Orxan Cahangir oğlu DYP postuna gələrək silahdan atəş açıb. Sonra özünə məxsus minik avtomobilini minərək hadisə yerindən uzaqlaşıb.

Salyan şəhərində isə ona yol polisləri tərəfindən "saxla" əmri verilsə də, o, buna məhəl qoymayıb və maşınla Kürsəngi kənd sakini, 35 yaşlı polis əməkdaşı Dəmirov Raqib Həmdulla oğluna xəsarət yetirib.