Millimizin rəqibi yeni baş məşqçisini açıqladı
İdman 02 Mar 2018 16:28:00 261 0
UEFA Millətlər Liqasında Azərbaycan yığması ilə eyni qrupda yer alan Kosovo millisinin baş məşqçisi müəyyənləşib. Goal.az xəbər verir ki, yığma Bernard Şallanda həvalə olunub. 67 yaşlı isveçrəli mütəxəssislə 2 illik müqavilə bağlanılıb. Bernard Şallandın son iş yeri 2014-2015-ci illərdə rəhbərlik etdiyi Ermənistan yığması olub. Kosovo millisi 20 - 27 martda Fransanın paytaxtı Parisdə baş tutacaq hazırlıq prosesi çərçivəsində iki yoxlama matçında qüvvəsini sınayacaq. Yeni baş məşqçi martın 24-də Madaqaskar kollektivi ilə oyunda debüt edəcək. Kosovolular 3 gün sonra Burkina-Faso yığması ilə üz-üzə gələcək. Azərbaycan millisi Kosovo ilə sentyabrın 7-də evdə, noyabrın 20-də isə səfərdə qarşılaşacaq.
Mənbə: goal.az