Bakı. Afrika üzrə digər aviaşirkətlərdən daha çox istiqamətlərə uçuşlar həyata keçirən və bu yaxınlarda Fritaunun paytaxtı Syerra-Leoneyə birbaşa reyslər açan “Türk Hava Yolları” öz marşrut şəbəkəsini fəal şəkildə inkişaf etdirir. Aviaşirkətdən Trend-ə verilən məlumata görə, hazırda "Türk Hava Yolları" Akkra, Laqos, Bamako, Konakri, Dakar, Abican, Kotonu, Duala, Yaunde, Ndjamena, Uaqaduqu, Niamey, Keyptaun, Yohanesburq və Afrikanın bir çox digər şəhərlərinə uçuşlar həyata keçirir. "Türk Hava Yolları" Fritauna reysləri çərşənbə axşamı və şənbə günləri olmaqla həftədə 2 dəfə yerinə yetirəcək. Uçuşlar İstanbuldakı Atatürk Beynəlxalq Hava Limanından Fritaundakı Lungi Beynəlxalq Hava Limanına, Uaqaduqu şəhərində dayanacaq ilə həyata keçiriləcək.