Viktor Yuşenko Azərbaycana səfərə gələcək
Siyasət 01 Mar 2018 12:35:42 239 0
Ukraynanın sabiq prezidenti Bakıya martda səfər etməyi planlaşdırır
Ukraynanın sabiq prezidenti Viktor Yuşenko mart ayında Azərbaycana səfər etməyi planlaşdırır.
"Report" xəbər verir ki, V.Yuşenkonun martın 15-18-də keçiriləcək VI Qlobal Bakı Forumunda iştirak edəcəyi nəzərdə tutulur.
Qeyd edək ki, Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzinin təşkilatçılığı ilə keçirilən forumda Albaniya prezidenti İlir Meta, Monteneqro prezidenti Filip Vuyanoviç, Bosniya və Herseqovinanın Rəyasət Heyətinin üzvü Mladen İvaniç, Türkiyənin baş naziri Binəli Yıldırım, xarici işlər naziri Mövlud Çavuşoğlu və digər dövlətlərin indiki və keçmiş prezidentləri, hökumət başçıları iştirak edəcək. Forumun işində, ümumilikdə, Nizami Gəncəvi Beynəlxalq Mərkəzinin üzvləri də daxil olmaqla 500 nəfərə yaxın qonağın iştirakı gözlənilir.
Mənbə: report.az