Goal.az xəbər verir ki, o, Ukraynanın “1+1” telekanalında yayımlanan “Qroşi” verilişində bu barədə danışıb. Gimnast öncə Azərbaycana necə gəlməsindən söz açıb: “2013-cü ildə Ukrayna federasiyası ilə fikir ayrılığına görə müqaviləmi yeniləməyib digər ölkələrlə danışıqlara başladım və Azərbaycana getdim. Mənə Azərbaycandan 2013-cü ildə Moskvada keçirilmiş Avropa çempionatında çempion olduqdan sonra zəng vurmuşdular. Dedilər ki, gəl danışaq və məsələni yoluna qoyaq. Azərbaycanda məni müalicə etdilər, MRT-yə apardılar. Əməliyyat olundum. Bütün şərait əla idi. Dərmanlar, sığorta kimi vacib detallara diqqət yetirdilər.

Qeyd edək ki, 23 yaşlı Stepko Azərbaycan adından çıxış etdiyi müddətdə Avropa Oyunlarında paralel qollarda qızıl, idman gimnastikasının digər növlərində isə iki gümüş və iki bürünc medal qazanıb. O, həmin il – 2015-ci ildə Şotlandiyanın Qlazqo şəhərində keçirilmiş dünya çempionatında isə bürünc medalla kifayətlənib.