"Liverpool"un əsas transfer hədəfi
İdman 26 Fev 2018 13:15:00 283 0
"Liverpool" mövsümün sonunda yarımmüdafiə xəttini daha da gücləndirməyə çalışacaq. Goal.az "The Times"a istinadən xəbər verir ki, "qırmızılar"ın əsas transfer hədəfi "Napoli"nin oyunçusu Jorjinyo olacaq. İtaliya millisinin Braziliya əsilli futbolçusunun klubu ilə cari müqaviləsi 2020-ci il 30 iyunda başa çatır.
Mersesayd klubu "RB Leipzig"dən Nəbi Keytanın keçidini artıq həll edib. Gənc havbek mövsümün sonunda "Liverpool"un düşərgəsinə gələcək. Bundan başqa "Roma"nın qolkiperi Alisson Bekerin transferi üçün danışıqlar aparılır. "Roma" onu 60-90 milyon avroya satmağa ümid edir. Onun transferi baş tutsa, Simon Minyole komandanı tərk edəcək.
Mənbə: goal.az