Şəmkirdə sərnişin gedişhaqqına görə taksi sürücüsünü qətlə yetirib
Sosial 23 Fev 2018 09:56:45 277 0
Faktla bağlı Şəmkir rayon Prokurorluğunda cinayət işi başlanılıb
Şəmkir rayonunda sərnişin takisi sürücüsünü qətlə yetirib.
"Report"un Qərb bürosunun məlumatına görə, hadisə rayonun İrmaşlı kəndinə baş verib.
Belə ki, Şəmkirdə taksi sürücü kimi fəaliyyət göstərən rayon sakini, 1954-cu il təvəllüdlü Arif Mursəl oğlu Yusibovun avtomobilinə sərnişin qismində əyləşən, 1993-cü il təvəllüdlü İsgəndərov Ayvaz İsmayıl oğlu sürücüyə rayonun İrmaşlı kəndinə gedəcəyinu deyib və maşını həmin kəndə sürdürüb. Ora çatanda sərnişinlə sürücü arasında gedişhaqqı üstündə mübahisə düşüb. Nəticədə A.İsgəndərov sürücünü bıçaqlayıb. Çox saylı bıçaq xəsarətləri alan A.Yusibov yerləşdirildiyi xəstəxanada ölüb.
Faktla bağlı Şəmkir rayon Prokurorluğunda cinayət işi başlanılıb, araşdırma aparılır.
Mənbə: report.az