PSG Fransa Liqasının 26-cı turunda "Strasbourg"a çətinlik çəkmədən qalib gəlib - 5:2. Goal.az xəbər verir ki, bu oyun komandanın kapitanı Tyaqo Silva üçün 150-ci liqa oyunu olub. Braziliyalı müdafiəçi bütün oyunlarını PSG forması ilə keçirib. 33 yaşlı Silva oyunların 72.5 %-də qalib gəlib. Analoji göstərici çempionatda bu oyun həddinə çatmış futbolçular arasında 40 il ərzində təkrarlanmamışdı.