Mingəçevirdə yol qəzasında iki nəfər xəsarət alıb
Sosial 17 Fev 2018 21:01:15 242 0
Hadisə zamanı iki maşın toqquşub
Mingəçevirdə iki nəfərin xəsarət alması ilə nəticələnən yol qəzası baş verib.
"Report”un Şirvan bürosu xəbər verir ki, şəhərin Samux küçəsi ilə hərəkətdə olan “VAZ-21099” markalı maşın “VAZ-21010” ilə toqquşub.
Nəticədə biri gənc, digəri yaşlı şəxs olmaqla iki nəfər müxtəlif dərəcəli bədən xəsarətləri alıb. Qəzada başı yarılan gənc həkim yardımından imtina edib. Digər yaralı – "VAZ-21010”nun 1960-cı il təvəllüdlü sürücüsü Mirzəyev Rafiq Məhəmməd oğlu xəstəxanaya yerləşdirilib.
Faktla bağlı araşdırma aparılır.
Mənbə: report.az