ABŞ-da inflyasiyanın sürətlənməsi istiqraz faizlərini artırıb
İqtisadiyyat 15 Fev 2018 12:06:12 324 0
"Report": "Dolların bahalaşması, xammalın ucuzlaşması prosesinin bu ilin sonu-gələn ilin əvvəlindən başlayacağı gözlənilir"
"Report" xəbər verir ki, baza inflyasiyanın müvafiq gözləntiləri üstələməsi nəticəsində hazırda ABŞ-ın 10 illik istiqrazlarının faiz dərəcəsi 2,93%-ə yüksəlib və son 4 ilin maksimal səviyyəsində qərarlaşıb. 10 illik dövlət istiqrazlarının gəlirliliyinin artmasına səbəb kimi FED-in uçot dərəcəsini daha sürətlə artırması ehtimalları qeyd olunur.
"Report"un analitik qrupu bildirir ki, qısa müddət ərzində istiqrazların gəlirliliyi 3% səviyyəsini ötə bilər: "Bu da öz növbəsində fond bazarlarında satışa səbəb olacaq. Lakin, dalğalanma qısamüddətli olacaq və fond birjalarında vəziyyət sabitləşəcək. Fond birjalarında azalma trendi, dolların bahalaşması, xammalın ucuzlaşması prosesinin 2018-ci ilin sonu-2019-cu ilin əvvəlindən başlanması ehtimal edilir".