MSK sədri prezidentliyə namizədlərin səlahiyyətli nümayəndələrini diqqətli olmağa çağırıb
Digərləri 14 Fev 2018 16:58:00 189 0
Mərkəzi Seçki Komissiyasının sədri Məzahir Pənahov prezidentliyə namizədlərin səlahiyyətli nümayəndələrini imzatoplama vaxtı diqqətli olmağa çağırıb.
Bakı. Elçin Mehdiyev –
Mərkəzi Seçki Komissiyasının (MSK) sədri Məzahir Pənahov prezidentliyə namizədlərin səlahiyyətli nümayəndələrini imzatoplama vaxtı diqqətli olmağa çağırıb.
Trend-in məlumatına görə, M.Pənahov bildirib ki, imza toplamaq üçün bütün namizədlərə bərabər şərait yaradılıb: “Namizədliyin qeydə alınması üçün imzalar düzgün olmalıdır. Sonra etibarsız imzalara görə namizədlik qeydə alınmayanda bunu başqa cür yozurlar”.
MSK sədri həmçinin seçki məntəqələrində veb-kameraların quraşdırılmasına toxunub. O qeyd edib ki, yaxın günlərdə kameraların quraşdırılmasına başlanılacaq. M.Pənahovun sözlərinə görə, kameralar Azərbaycanın bütün çoğrafiyasını əhatə edəcək. MSK sədri vurğulayıb ki, seçki günü səhər saat 07:30-dan başlayaraq bütün seçki prosesi online şəkildə insanlara çatdırılacaq.
Trend-in ən mühüm və maraqlı xəbərlərini "Telegram"da izləyin
Mənbə: az.trend.az