Vergi Məcəlləsinə dəyişikliklərlə bağlı təkliflər hazırlanıb.

Bu barədə nazir Mikayıl Cabbarov "Vergilər. Şəffaflıq. İnkişaf" adlı konfransda çıxışı zamanı deyib. Nazir, vergi qanunvericiliyində mütamadi dəyişikliklər edilməsini düzgün hesab etmədiyini, bunun vergi riski yaratdığını, lakin müəyyən dəyişikliklərə ehtiyac olduğunu vurğulayıb.

Nazir, vergi planının ödənilməsi üçün əvvəllər insanlardan artıq vergi ödəmələri tələb edildiyini bildirib. Hətta mühasiblərin də səhv edə biləcəyini açıqlayan nazir, düzgün vergi planlaşdırılması ilə vergidən yayınmanın ayrı-ayrı şeylər olduğunu bildirib. "Birinci müsbət qarşılansa da ikincisisi cinayətdir" deyib.

Vergilər Naziri Mikayıl Cabbarov xidmət sayının artırılacağını qeyd edib. Stimullaşdırıcı vergi siyasətinə keçiləcəyini bildirib. Nazir, tanınmış yerli və xarici şirkətlərin vergi orqanlarında informasiyanın olmamasından istifadə edərək, vergidən yayındıqlarını deyib.