İnstitut direktoru: "Xəzərdə “süd qasırğası”nın baş verməsi adi haldır"
Digərləri 12 Fev 2018 11:10:00 278 0
Xəzər dənizində "süd qasırğası" deyilən prosesin baş verməsi adi haldır.
Son.az xəbər verir ki, bunu Trend-ə Azərbaycan Milli Elmlər Akademiyası Coğrafiya İnstitutunun direktoru, okeanoloq-hidroloq, texnika elmləri doktoru, professor, akademik Ramiz Məmmədov deyib.
Onun sözlərinə görə, Xəzər dənizində bu proses küləyin təsirindən çox tez-tez baş verir:
"Külək dənizin dibini qarışdırır. Nəticədə alt sular, dənizin dibindəki çöküntülər, qumsallıqar küləyin təsirindən suyun üzərinə qalxır".
R.Məmmədov qeyd edib ki, "süd qasırğası" dəniz florasına heç bir ziyan vermir:
"Bu proses balıqlar üçün daha xeyirlidir. Çünki dib çöküntülərində qida maddələri də olur. Onlar da yuxarı qalxanda balıqlar onu yeyirlər".
Mənbə: milli.az